जनता समाजवादी पार्टी नेपालका केन्द्रीय कार्यकारिणी सदस्य युवराज कार्कीलाई मोरङ क्षेत्र नं २ बाट प्रतिनिधिसभा सदस्यका लागि समानुपातिक उम्मेदवार सिफारिस गरिएको छ ।
जसपा मोरङ क्षेत्र नं २ को आज बसेको बैठकले समानुपातिक उम्मेदवारतर्फ कार्कीसहित हिरामणि गनगाईंलाई सिफारिस गरेको हो ।
बैठकले प्रत्यक्षतर्फ भने प्रेमनारायण थापाको नाम सिफारिस गरेको छ । थापा जसपाका राजनीतिक समिति सदस्य हुन् ।
बैठकले प्रदेशसभाको ‘क’मा प्रत्यक्षतर्फ विनोदसिंह गनगाईं, सुरज गनगाईं, समज आलम र गणेश आमत्यलाई सिफारिस गरेको छ ।
यसैगरी ‘ख’बाट प्रत्यक्षतर्फ आशीनाथ राजवंशी र सदानन्द यादवको नाम सिफारिस गरेको छ ।
प्रदेशसभाको समानुपातिकतर्फ भने बासु बहरदार, साहजदा प्रविण, सविता राय, भगवान चन्द यादव, हरि साह र जनकलाल साहलाई सिफारिस गरेको छ ।