मंसिर ४ गते हुने प्रतिनिधिसभा र प्रदेशसभा सदस्यकाे निर्वाचनका लागि नेकपा (एमाले) र जनता समाजवादी पार्टी नेपाल (जसपा)बीच १४ जिल्लामा तालमेल गर्ने सहमति भएकाे छ ।
एमाले अध्यक्ष केपी शर्मा ओली र जसपा अध्यक्ष उपेन्द्र यादवबीच शुक्रबार तालमेलकाे सहमतिपत्रमा हस्ताक्षर भएको हो । सहमतिअनुसार जसपाले १७ सिट पाउने छ ।
सहमति अनुसार एमालेले जसपालाई सप्तरी १, २ र ४, सिरहा २ र ४, धनुषा १, महोत्तरी ३ र ४, सर्लाही १ र ४, रौतहट २, बारा २, पर्सा १ र २, रुपन्देही ४, मोरङ ५ र सुनसरी १ मा प्रतिनिधिसभातर्फ सघाउने छ ।
तालमेल भएकाे जिल्लाका अन्य क्षेत्रमा जसपाले एमालेलाई सघाउने छ ।
अन्य जिल्लाका हकमा भने मित्रवत रुपमै प्रतिस्पर्धा गरिने छ ।
कांग्रेससहितकाे गठबन्धनले जसपालाई केवल १० मात्रै दिन तयार भएकाे थियाे । जसपाले अधिक बल गर्दा पनि १४ सिट भन्दा बढी नपाउने भएपछि जसपा एमालेसितकाे तालमेलमा पुगेकाे हाे ।
