शास्त्रीय संगीतका गुरु गुरुदेव कामतकाे ६९ वर्षको उमेरमा आज बिहान ८ बजे सिरहास्थित आफ्नै घरमा निधन भएकाे छ ।
गत चैतमा उनकाे दुवै मिर्गौलामा समस्या देखिएकाे पत्ता लागेकाे थियाे ।
आर्थिक अवस्था कमजाेर भएका उनले राम्राेसँग उपचार गराउन सकेका थिएनन् । पैसाकै अभावमा उनी काठमाडाैं छाेडेर सिरहास्थित गाउँ पाेखरभिन्डा फर्किएका थिए ।
पछिल्लो समय उनलाई घरमै राखेर इायलासिस गराउने गरिएको थियो । छाेरा समीर कामतका अनुसार उनले चार दिनदेखि केही खाएका थिएनन् ।
शास्त्रीय संगीतकाे क्षेत्रमा कामतलाई निकै श्रद्धाका साथ सम्मान गरिन्छ । शास्त्रीय संगीतमा उनका केही कर्णप्रिय गजलहरु चर्चित छन् ।