प्रधानमन्त्री सुशीला कार्कीले तमु ल्होसारजस्ता सांस्कृतिक पर्वहरूले नेपाली समाजमा आपसी सद्भाव, सहिष्णुता र राष्ट्रिय एकताको भावना बलियो बनाउने बताएकी छन्।
मङ्गलबार काठमाडाैँकाे टुँडिखेलमा आयोजित तमु ल्होसार महोत्सवलाई सम्बोधन गर्दै प्रधानमन्त्री कार्कीले नेपाल बहुजातीय, बहुभाषिक र बहुसांस्कृतिक देश भएको उल्लेख गर्दै सांस्कृतिक विविधतामै नेपालको शक्ति निहित रहेको बताइन्।
‘सांस्कृतिक विविधता नेपालको गौरव हो। यही विविधता नै हाम्रो ठूलो शक्ति हो,’ उनले भनिन्, ‘तमु ल्होसारजस्ता पर्वहरूले मौलिक पहिचान जोगाउँदै सामाजिक सद्भाव र सहअस्तित्वको संस्कृतिलाई अझ सुदृढ बनाउँछन्।’
सम्बोधनको सुरुवातमै प्रधानमन्त्री कार्कीले तमु गुरुङ समुदायको महान् पर्वको अवसरमा देश–विदेशमा रहेका सबै नेपालीलाई शुभकामना व्यक्त गरिन्।
‘यहाँहरू सबैमा हार्दिक नमस्कार। छ्या जलो’ भन्दै उनले सुख, शान्ति, समृद्धि र सुस्वास्थ्यको कामना गरिन्।
