Sunday, December 4, 2022
16.9 C
Diktel

प्रकाश सपुतलाई मण्डले धम्की दिने झुण्डहरुलाई सम्झेर कठैबरी मात्र भन्न सकिन्छ

Subtitle

माओवादी जनयुद्धकाे बिसर्जनले आधारभूत वर्गका कार्यकर्ताका साथमा आधारभूत वर्ग, जाति, क्षेत्र तथा उत्पीडित समुदायका सपनाहरुमाथि विश्वासघात नै गरेको हो ।

एउटा असफलतामै टुङ्गिएको युद्धले बाँड्ने भनेको निराशा, हतासा र वर्वादी नै हो । मार्क्सवादका पुस्तकमा के लेखिएको छ भनेर होइन बरु समान दुःखसुखका लाखौं करोडौं मानिसहरु के सोच्छन् भनेर र ती लाखौं करोडौं जनताका साझा अनुभूतिलाई सत्य मानेर हेर्ने हो भने माओवादी आन्दोलनमा सहभागी आधारभूत वर्गका मानिसहरुले गम्भीर धोका पाएको महसुस गरेका छन् र ती निराश छन् । यही निराशाको माटोमा जन्मेको हो प्रकाश सपुतको पिर ।

प्रकाश सपुत समाजवादी यथार्थवादी होइनन् । उनी प्रगतिशील पनि होइनन् । उनी बजारिया मूलधारमा बिक्ने सिर्जना उत्पादन गर्ने उत्पादक हुन् । तर पनि उनी आलोचनात्मक लेख्छन् र कहिले एमाले र कहिले जसकाे निशानामा पर्छन् । यो पटक माओवादी खलकको निशानामा परे बिचरा ।

उनको दिमागमा जनयुद्धकाे गौरव गाउने या विद्रुपीकरण गर्ने दुवै कुरा नहोला भन्न सकिन्छ । अब उनी कसैको उक्साहटमै रहेछन् भने पनि उनको सिर्जनाले गलत सन्देश दिएको छ भने बैचारिक हिसाबले लड्ने हो । यसो गरिस् भने या यसो गरिनस् भने ठोकिदिन्छौं भन्ने मण्डले धम्की दिएर गलत बिचारको खण्डन गर्न सकिन्न । जहाँसम्म “पीर” गीतले माओवादीलाई ठोक्यो भनेर काँखी मच्चाउने राजनीतिक झुण्डहरूको कुरा छ ती झुण्डहरुलाई सम्झेर कठैबरी मात्र भन्न सकिन्छ ।

बलराम तिमल्सिनाकाे फेसबुकबाट ।

प्रतिक्रिया लेख्नुहाेस्

Please enter your comment!
Please enter your name here

सम्बन्धित समाचार

याे पनि पढ्नुस्