ताम्सालिङ संयुक्त संघर्ष समितिअन्तर्गत महिला विभाग गठन गरिएको छ । आशा तामाङको संयोजकत्वमा ५१ सदस्यीय महिला विभाग गठन गरिएको हो ।
विभागको सहसंयोजकमा शान्ता तामाङ र सदस्य सचिवमा विपना तामाङ छन् ।
नेपाल तामाङ घेदुङको सभाहलमा केही दिनअघि विभाग गठन गरिएको हो ।
ताम्सालिङ संयुक्त संघर्ष समितिका सदस्य सचिव मोहन गोले तामाङले विभाग गठनका लागि सहजीकरण गरेका थिए ।
कार्यक्रममा घेदुङका सहअध्यक्ष कुमार सिंह घिसिङ, अभियान्ता आशा तामाङ, संगीता तामाङ, देशमाया योन्जन, शान्ता तामाङ, सरोज मोहन लामा लगायतले आ-आफ्नाे धारणा राखेका थिए ।
कार्यक्रममा समितिका सचिवालय सदस्य बाबुराम लोप्चन, घटक संगठनका देपराज लामा, बुद्धराज स्याङ्तान, युवा विभागका संयोजक ज्ञानु लामा लगायतको उपस्थिति थियो ।
यसअघि नै युवा विभाग, संस्कृति साहित्य विभाग, सञ्चार विभाग गठन गरिएकाे थियाे ।