जनता समाजवादी पार्टी नेपालका प्रवास संगठन नेपाली समाज बेल्जियमका अध्यक्ष नेत्रबहादुर मगरलाई मातृशोक परेको छ ।
एनआरएनएका पूर्वकेन्द्रीय सदस्य समेत रहेको मगरको आमा लक्ष्मीकुमारी मगरको गत असोज ३ गते काठमाडौंको गंगालाल अस्पतालमा उपचारको क्रममा ८७ वर्षको उमेरमा निधन भएको हो ।
दिवंगत् मगरको आज काठमाडौंको स्वयम्भुमा बौद्ध परम्परा अनुसार अन्त्येष्टि गरिएको छ ।
जसमा जसपा नेपालका संघीय परिषद् अध्यक्ष अशोक राई सहभागी भएका थिए ।
हाल बेल्जियममा बस्दै आएका नेता मगर मगर संघ लगायत विभिन्न सामाजिक संस्थामा समेत क्रियाशील छन् ।
