काठमाडाैं । किरात राई यायोक्खाले किरात राई जातिलाई विभाजन नगर्ने गरी तथ्यांक सार्वजनिक गर्न केन्द्रीय तथ्यांक विभागलाई सुझाव दिएको छ ।
यायोक्खाका केन्द्रीय अध्यक्ष जीवन हाताचो राईसहितको टोलीले सोमबार काठमाडौंको थापाथलीस्थित विभागमा पुगेर उक्त सुझाव दिएको हो ।
यायोक्खाको टोलीले विभागका कामु प्रमुख नेविलाल श्रेष्ठ र निर्देशक ढुन्डिराज लामिछानेलाई सुझावपत्र हस्तान्तरण गरेको थियो ।
सो क्रममा यायोक्खाले विभाग बाहिर प्लेकार्डसहित धर्ना पनि दिएको थियो भने भित्र विभागका कर्मचारीहरुसँग छलफल गरेको थियो ।
