भोटेकोशी बाढीले क्षतिग्रस्त त्रिशुली जलविद्युत्–३ ‘ए’ को सुरुङ खोल्न सोमबार बिहान करिब ३ बजे क्राउन ब्लास्ट गरिए पनि पानी भरिएकाले भित्र पस्न नसकिएको राष्ट्रिय स्वतन्त्र पार्टीका सांसद एवं इन्जिनियर श्रीराम न्यौपानेले बताएका छन्।
सुरुङको मुख खोल्ने प्रयास भने जारी रहेकाे उनकाे भनाइ छ।
त्रिशूली ३ ‘ए’ मा ४२ जना सम्पर्कविहीन भएकामा ३५ जना सुरुङभित्र रहेको बताइएको छ । सञ्चालनमा आइसकेको यो परियोजना विद्युत् प्राधिकरणकै हो । जसमा ४२ कामदार मर्मतसम्भारका लागि परियोजनामा थिए ।