जनता समाजवादी पार्टी, नेपालका संघीय परिषद् अध्यक्ष डा. बाबुराम भट्टराईले हाल समाजवाद शब्द राखेर नयाँ पार्टीहरु गठन भएकोमा त्यो स्वागतयोग्य रहेको बताएका छन् ।
नेकपा एमालेबाट अलग भएको माधव नेपाल समूहले ‘नेकपा एकीकृत समाजवादी पार्टी’ र जसपाबाट अलग भएको महन्थ ठाकुर समूहले ‘लोकतान्त्रिक समाजवादी पार्टी’ गठन प्रक्रिया अघि बढाएका बेला पूर्वप्रधानमन्त्री समेत रहेका नेता भट्टराईले समाजवाद शब्दप्रति आकर्षण बढ्न थाल्नु स्वागतयोग्य भएको बताएका हुन् ।
नेता भट्टराईले शनिबार ट्वीटर एकाउन्टबाट यो कुरा बताएका हुन् ।
उनले पुँजीवाद र साम्यवादको विकल्पमा समाजवाद खोजी गर्ने अहिलेको विश्वको प्रवृत्ति रहेको समेत बताए ।
उनले लेखेका छन्, ‘अब बहस होस्, कस्तो समाजवाद ? प्रजातान्त्रिक समाजवाद, वैज्ञानिक समाजवाद, समावेशी/सहभागितामूलक समाजवाद ?’
‘समाजवाद’शब्दप्रति आकर्षण बढ्न थाल्नु स्वागतयोग्य छ।नयाॅ दर्ता भएका दलहरूको नाउॅबाट त्यस्तै संकेत मिल्छ।पुॅजीवाद र साम्यवादको विकल्पमा समाजवादको खोजी अहिलेको विश्वको प्रवृत्ति पनि हो।अब बहस होस् कस्तो समाजवाद?प्रजातान्त्रिक समाजवाद?वैज्ञानिक समाजवाद?समावेसी/सहभागितामूलक समाजवाद?
— Baburam Bhattarai (@brb1954) August 21, 2021
