चर्चित लाेकगायक तथा कलाकार जयनन्द लामाकाे निधन भएकाे छ । उनकाे बुधबार बिहान भक्तपुरस्थित कौशलटारमा निधन भएकाे हाे ।
उनी मंगलबार राति बौद्धबाट घर फर्किएका थिए । घरमा गाडीबाट झर्ने क्रममा उनी लडेका थिए । उनकाे टाउकाेमा गहिराे चाेट लागेकाे थियाे ।
राति २ बजेतिर गाडीको आवाज सुने पनि परिवारले भने बिहान मात्र थाहा पाएकाे बताइएकाे छ ।
सिन्धुपाल्चोक बाह्रबिसे नगरपालिका–२ धार्पाका लामाले एक सयभन्दा बढी चलचित्रमा अभिनय गरेका थिए । उनले कयौं टेलिश्रृखंलामा पनि अभिनय गरेका थिए ।
लामाले २०३० सालमा मनको बाँध चलचित्रमा पहिलोपटक अभिनय यात्रा सुरु गरेका थिए । लामाका कलकत्ते काइँयो, मुलाको चाना लगायतका गीत लाेकप्रिय छ ।
पछिल्लो समय उनी हाँस्य टेलीश्रृंखला हल्का रमाइलोमा उनले अभिनय गर्दै आएका थिए ।