नेकपा एमालेबाट निर्वाचित कञ्चनपुरस्थित बेदकाेट नगरपालिकाका मेयर अशाेक चन्द नेकपा एकीकृत समाजवादीमा प्रवेश गरेका छन् ।
एकीकृत समाजवादीका अध्यक्ष माधव नेपालले चन्दलाई आज पार्टीमा स्वागत गरेका छन् ।
मेयर चन्दसँगै बेदकोट नगरपालिकाका विभिन्न पाँच वटा वडाका वडाअध्यक्षहरु समेत एकीकृत समाजवादीमा प्रवेश गरेका छन् ।
त्यस्तै पार्टीका जिल्ला कमिटीका अन्य नेताहरुमा एमाले प्रदेश कमिटी सदस्य गजेन्द्र राना, जिल्ला कमिटी सचिवालय सदस्य हरिराम चौधरी, जिल्ला सचिवालय सदस्य तथा बेदकोट नगर कमिटी अध्यक्ष महेशराज जोशी लगायतका नेता पनि एकीकृत समाजवादीमा प्रवेश गरेका छन् ।