तामाङ मेगास्टार कुमार मोक्तान र नायिका सीता लामा अभिनित तामाङ कथानक चलचित्र ‘दोर्जे डन ब्याक अगेन’ युटुबको ४४ ट्रेण्डिङमा आएको छ ।
ओएसआर डिजिटलबाट सार्वजानिक गरिएको उक्त चलचित्र युटुबमा अपलोड गरेको ४ दिनपछि युटुबको ४४ ट्रेन्डिङमा आएको हो ।
उक्त चलचित्रले तामाङ इतिहास मै पहिलोपटक युटुब ट्रेन्डिङमा आएको चलचित्रमा नाम दर्ता गर्न सफल
भएको छ । यो चलचित्रको समाचार तयार पार्दासम्म युटुबमा उक्त चलचित्रलाई १ लाख ४३ हजार ५७९ बढी दर्शकले हेरिसकेका छन् ।
अहिले कुनै पनि प्रकारको भिडियो,चलचित्र युटुबको ट्रेण्डिङमा पर्यो भने त्यसले खास अर्थ राख्छ । किनकी, युटुबले नेपालमा पनि ट्रेन्डिङको सुरुवात गरेपछि अहिले भिडियो बनाउनेहरु आफ्नो सामाग्री कति हिट भइरहेको छ भनेर
थाहा पाउन उत्सुक हुन्छन् ।
तामाङ मेगास्टार कुमार मोक्तानले दर्शकको मायामा कारण युटुबको ट्रेण्डिङमा आएको बताए ।
‘दर्शकको मायाको कारण तामाङ इतिहासमा नै पहिलोपटक ‘दोर्जे डन ब्याक अगेन’ युटुबको ४४ ट्रेण्डिङमा आएको छ, हामी र हाम्रो टिम खुशी छौं,’ उनले भने ।