हिमालय टेलिभिजनबाट प्रशारण हुने रियालिटी शो डान्सिङ स्टार्स नेपालको उपाधि छिरिङ शेर्पा र सरोज प्रजाको जोडीले जितेको छ ।
शुक्रबार राति सम्पन्न फाइनलमा उपाधि जितेसँगै याे जोडीले १५ लाख रुपैयाँ पुरस्कार प्राप्त गरेको छ ।
प्रीति आले मगर र शेखर घर्ती मगरको जोडीले फस्ट रनरअप हुँदै दुई लाख रुपैयाँ जितेको छ भने परमिता राणा र जेडी तमुको जोडी सेकेन्ड रनरअप भए ।
गत जेठदेखि सुरु भएको प्रतिस्पर्धामा १२ जना सेलिब्रिटी र कोरियोग्राफर जोडीले भाग लिएका थिए । जसमा गौरी मल्ल, दिलीप रायमाझी र रेनेशा बान्तावा राई निर्णायक मन्डल थिए ।