अर्थमन्त्री डा. प्रकाश शरण महतले सबैले इमान्दार भएर काम गरे राजस्वले लक्ष्य भेट्ने बताएका छन् ।
बिहीबार सुख्खा बन्दरगाह बिरगन्ज र बिरगन्ज भन्सार कार्यालयको निरीक्षणका क्रममा मन्त्री महतले याे कुरा बताएका हुन् ।
‘भन्सारमा हुने दुरुपयोगलाई कर्मचारीले गम्भीरतापूर्वक लिनुभाे र सबै इमान्दार बनियो भने हामी सजिलै लक्ष्यमा पुग्न सक्छौं,’ मन्त्री महतले भने ।
उनले आयत भएन, माग आएन भने भन्सार शुल्क नउठ्नु स्वाभाविक भएको भएकाे र राजश्व नउठ्नु कर्मचारीको नियन्त्रण बाहिरको कुरा भएको बताए ।
तर, बजारमा प्रशस्त सामान छ, तर राजश्व घटिरहेको छ भने मन्त्री महतले भने, ‘त्यो अवस्थामा तपाईंहरुलाई प्रश्न गर्ने छन् । हामीले यथेष्ट काम गरेनौं, हामी जिम्मेवार भएनौं, हामीले आँखा चिम्ल्यौं अथवा हामीले सार्वजनिक भन्दा निजी फाइदालाई महत्व दियाैं भने राजस्व कम उठ्छ ।’