प्रतिनिधिसभा सदस्यमा निर्वाचित भएपछि जनता समाजवादी पार्टीका संघीय परिषद् अध्यक्ष अशोक राईले आफ्नाे निर्वाचन क्षेत्रको विकास निर्माणको काम प्रभावकारी बनाउने काम सुरु गरेका छन् ।
उनले बुधबार धरान उपमहानगरका मेयर हर्कराज राई (हर्क साम्पाङ) सँग भेटेर धरानको खानेपानी समस्याको समाधानका लागि हालसम्म भएका प्रयासहरु र सडक निर्माणका कामबारे जानकारी लिएका छन् ।
सुनसरी–१ मा पर्ने विकास निर्माणका बारेमा जानकारी लिन राईका साथमा प्रदेश निर्वाचन क्षेत्र नं १ बाट निर्वाचित रमेश बस्नेत र प्रदेश निर्वाचन क्षेत्र नं २ बाट निर्वाचित विजय राई पनि नगरपालिका पुगेका थिए ।
पूर्वमन्त्री समेत रहेका नेता राईले मेयर साम्पाङलाई भेटेर धरानबासीलाई खानेपानी उपलब्ध गराउन नगरपालिकाको तर्फबाट हालसम्म भएका प्रयासहरुबारे जानकारी लिए ।
उनले धरानलाई छुने मदन भन्डारी राजमार्ग र कोशी राजमार्ग विस्तारबारे पनि जानकारी लिए ।
नेता राईले अघिल्लो दिन सो सडकका आयोजना प्रमुखहरुसँग धरान–१७ स्थित आफ्नाे निवासमा बोलाएर ब्रिफिङ लिएका थिए ।
आफ्नाे कार्यालयमा आइपुगेपछि मेयर साम्पाङले तीन जनै सांसदहरुलाई माला र अविरको टीका लगाएर बधाई दिए भने धरानको विकासका लागि सहयोग गर्न अनुरोध गरे ।
बाँकी भिडियोमाः
