जनता समाजवादी पार्टी नेपालनिकट किरात राष्ट्रिय समितिले किरातीहरुको ऐतिहासिक स्थल मानिने उदयपुरको बेलका नगरपालिका–८, मैनामैनी डुम्रिबोटेस्थित एलके खोज रिसोर्टमा दुईदिने प्रशिक्षण शुक्रबारदेखि सुरु गरेको छ ।
प्रशिक्षणको पहिलो दिन जसपाका नेताहरु रणध्वज कङ्दङ्वा, राजकिशोर यादव र पर्शुराम बस्नेतले प्रशिक्षण दिएका छन् ।
दोस्रो दिन जसपाका संघीय परिषद् अध्यक्ष तथा वर्तमान शिक्षा विज्ञान तथा प्रविधि मन्त्री अशोक राई, पूर्वमन्त्री रकम चेम्जोङ, सांसद सुशीला श्रेष्ठले प्रशिक्षण दिने समितिका सचिव प्रशन्न राईले बताए ।
उनले पार्टीको भर्खरै पार्टीको विधान अधिवेशन सम्पन्न भएकोले विधान अधिवेशनबाट आएको विधान र पार्टीको नीति तथा कार्यक्रमहरुबारे अभिमुखीकरण गर्नका लागि प्रशिक्षण आयोजना गरिएको हो ।
समितिका अध्यक्ष रमेश राईको सभापत्विमा भइरहेको प्रशिक्षणमा प्रदेश नं १ (कोशी प्रदेश) का सम्पूर्ण केन्द्रीय सदस्यहरु, जिल्ला, गाउँ तथा नगर समितिका पदाधिकारीहरु, भ्रातृसंगठनका पदाधिकारीहरुलाई सहभागी गराइएको छ ।