‘तक्मे बुढा’ नामले परिचित कलाकार विल्सन विक्रम राईले धरान उपमहानगरपालिका–२० मा निर्माण गरिने सुम्निमा–पारुहाङको प्रतिमा निर्माणका लागि एक लाख रुपैयाँ सहयोग गरेका छन् ।
कलाकार राईले सोमबार आफ्नाे परिवारसहित धरानका मेयर हर्क साम्पाङलाई भेटेर उक्त सहयोग रकम हस्तान्तरण गरेका हुन् ।
उनी मेयर साम्पाङलाई भेट्न बुबा डिल्लीबहादुर राई, श्रीमती सरिना लामा र छोरा विज्डमको साथमा पुगेका थिए ।
उनले आप्mनो बुबा र छोराको जन्मदिनको अवसर पारेर उक्त रकम सुम्निमा–पारुहाङको प्रतिमा निर्माणका लागि सहयोग गरेका हुन् ।
सो क्रममा कलाकार राईले सुम्निमा–पारुहाङ प्रतिमा निर्माण कार्य किरात सभ्यतासँग गासिएकाेले किरात भूगाेलमा बस्ने सबैले गर्व गर्नुपर्ने बताए ।
उनले प्रतिमा निर्माणका लागि आफ्नाे तर्फबाट पछि पनि सकेकाे सहयोग गर्ने प्रतिबद्धता जनाएका थिए ।
मेयर साम्पाङले कलाकार राईप्रति धन्यवाद प्रकट गर्दै धरान–२० मा सुम्निमा–पारुहाङको प्रतिमा मात्र नभएर सो क्षेत्रमा किरात सभ्यता, इतिहास र संस्कृतिको जीवित प्रतिबिम्बको रुपमा विकास गर्ने आफ्नाे योजना रहेको बताए ।
