मधेसका नेता जेपी गुप्ताले जनता समाजवादी पार्टी छोडेर नेकपा एमालेमा गएका विजय सरावगीको भनाइले मधेसको अवसरवादी राजनीतिक चरित्रलाई उजागर गरेको बताएका छन् ।
वीरगञ्ज महानगरपालिकाका मेयर समेत रहेका सरावगी हिजो एमालेमा प्रवेश गरेका थिए ।
सो क्रममा उनले भनेका थिए, ‘म यस पार्टीमा झण्डै नआउने स्थितिमा थिएँ, कुनै अर्को पार्टीमा गइराखेका थिएँ । तर मेरा मित्र दाजु मोती दुगडजीले बीच बाटोमै समातेर ओलीजीसँग भेट गराइदिनुभयो, त्यसपछि म एमालेमा आएँ ।’
तत्कालिन मधेसी जनअधिकार फोरम (गणतान्त्रिक)का नेता समेत रहेका गुप्ताले हिजै ट्वीटमा सरावगीको भनाइलाई लिएर कमेन्ट गरेका हुन् ।
उनले लेखेका छन्, ‘जसपाबाट निर्वाचित वीरगञ्जको मेयरको यस भनाइले मधेसमा सबैखाले राजनीतिको यथार्थ अस्तिर र अवसरवादी चरित्रलाई उजागर गर्दछ ।’
व्यापारी समेत रहेका सरावगी एमालेमा प्रवेश गर्नुअघि नेपाली कांग्रेसमा जान खोजेका थिए । त्यसका लागि वार्ता भइरहेको भए पनि उनी एक्कासी एमालेमा प्रवेश गरेका हुन् ।
उनलाई एमाले अध्यक्ष केपी शर्मा ओलीले स्वागत गरेका थिए ।
“म कुनै अर्कै पार्टीमा जादै थिए। मेरा मित्र,दाजु मोती दुगडले मलाई बाटो बाटै समातेर लगी ओलीसंग भेटाई दिनु भयो। म एमाले भए।” जसपाबाट निर्वाचित बीरगंजको मेयरको यस भनाईले मधेसमा सबैखाले राजनीतिको यथार्थ अस्थीर र अवसरवादी चरित्रलाई उजागर गर्दछ। pic.twitter.com/JiZM2YQJPG
— Jp Gupta (@JpanandaJp) March 12, 2022