जनता समाजवादी पार्टी नेपालले शुक्रबार राति जाजरकोट केन्द्रविन्दु भएर गएको भूकम्पबाट घाइते भएकाहरुको यथाशीघ्र उद्धार र उपचारकाे व्यवस्था मिलाउन सरकारसँग जोडदार माग गरेको छ ।
जसपा केन्द्रीय समितिका अध्यक्ष उपेन्द्र यादवले शनिबार एक प्रेस विज्ञप्ति जारी गरी भूकम्पबाट घाइतेहरुको उद्धार र पीडितहरुलाई राहत उपलब्ध गराउन सरकारसँग माग गरेका हुन् ।
उनले भूकम्पबाट ज्यान गुमाएकाहरुप्रति श्रद्धाञ्जली व्यक्त गर्दै घाइतेहरुको शीघ्र स्वास्थ्यलाभको कामना समेत गरेका छन् ।
