काठमाडौं– नेपाललाई बेवास्ता गर्दै लिम्पियाधुरा–लिपुलेक क्षेत्रबाट व्यापार र आवागमन खुला गर्ने भारत र चीनबीच भएको समझदारीप्रति जनता समाजवादी पार्टीले विरोध जनाएको छ।
जनता समाजवादी पार्टीका अध्यक्ष अशोक राईले शनिबार एक वक्तव्य जारी गर्दै ठोस प्रमाणसहित उक्त क्षेत्र नेपालको भूमि हो भन्ने कुरा कूटनीतिक पहल र वार्तामार्फत समाधान गर्न नेपाल सरकारको ध्यानाकर्षण गराएका छन्।
नेपालको भूमिबाट नेपाल सरकारसँग कुनै छलफल नगरी छिमेकी भारत र चीनले व्यापार गर्ने समझदारी गरेको विषयमा सबै दलले एकताबद्ध भएर आवाज उठाउनुपर्ने विभिन्न दलका नेताहरूले बताएका छन्।
