पाँचथरस्थित फाल्गुनन्द गाउँपालिकाले लिम्बू भाषालाई गाउँपालिकाको कामकाजी भाषा बनाउने भएको छ ।
गाउँपालिकाले आगामी आर्थिक वर्ष २०७८/७९ को बजेट प्रस्तुत गर्दै लिम्बू भाषालाई सरकारी कामकाजी भाषा बनाउने घोषणा गरेको हो ।
नेपालको १६औं राष्ट्रिय विभूति तथा समाज सुधारक महागुरु फाल्गुनन्द लिङ्देनको कर्मक्षेत्र तथा समाधिस्थल फाल्गुनन्द गाउँपालिकामै रहेको र गाउँपालिकाको उक्त ऐतिहासिकतालाई सम्मान गर्दै आर्थिक वर्ष २०७८/७९ देखि लिम्बू भाषालाई पनि गाउँपालिकाको काममाजी भाषाको रुपमा मान्यता दिने उल्लेख गरिएको छ ।
गाउँपालिकाले अन्य भाषाहरुलाई पनि आगामी वर्षहरुमा कामकाजी भाषाको मान्यता दिने नीति लिएको छ ।
गाउँपालिकाले आगामी आर्थिक वर्षका लागि ४९ करोड ९६ लाख ९३ हजार रुपैयाँको बजेट प्रस्तुत गरेको छ ।