ललितपुरको हरिसिद्धि निवासी डा. सरिता श्रेष्ठ र इन्जिनियर महेन्द्रकुमार श्रेष्ठले राष्ट्रिय आविष्कार केन्द्रलाई टाटा कम्पनीको एउटा पुरानो गाडी दिएका छन् ।
उनीहरुले बा ६ च ७५६८ नम्बरको ७५ हजार किलोमिटर गुडेको राम्रो कन्डिसनको गाडी केन्द्रलाई दिएका हुन् ।
केन्द्रका प्रमुख महावीर पुनले आफूलाई श्रेष्ठ परिवारले घरमै बोलाएर उक्त गाडी दिएको र चाडै नामसारी पनि गरिदिने बताएका छन् ।
केन्द्रले उक्त गाडीलाई सामान ओसार्ने काममा र काम विशेषले काठमाडौं उपत्यका बाहिर जानुपर्दा प्रयोग गर्ने पुनले बताए ।
आफूहरुले गाडी पाएकोमा खुसी व्यक्त गर्दै उनले अब केन्द्रले सामान ढुवानीमा गरिरहेको खर्च बचत हुने बताए ।
