किरात संस्कृतिविद् गडुलमान राईको निधन भएको छ ।
खोटाङस्थित साकेला गाउँपालिका–२ रतन्छा घर भएका उनी पछिल्लो समय क्यान्सरसँग लडिरहेका थिए । अस्पतालमा आईसियुमा राखेर उपचार गरिरहेका बेला आज बिहान उनको निधन भएको हो ।
हाल उनी परिवारको साथमा काठमाडौंमा बसोबास गरिरहेका थिए । उनले किरात राईहरुको भाषा, संस्कार, संस्कृतिहरुको संरक्षण तथा प्रवद्र्धन गर्दै आएका थिए ।
उनले किरात संस्कृतिसम्बन्धी पुस्तक समेत लेखेका थिए ।
राईको निधनले समुदायमा ठुलो क्षति पुगेको किरात राई यायोक्खाका महासचिव जनक राईले बताए ।
‘गडुलमान दाइ, बाँचुन्जेल ज्ञान बाँड्ने र भाषा संस्कृतिको संरक्षण र सम्बद्र्धनको काममा लाग्नुभयो । यो योगदानको लागि ठुलो उपहार भएर रहनेछ,’ महासचिव राईले भनेका छन्, ‘दिवंगत हुनुभएको खबरले अत्यन्तै पीडा महसुस भएको छ । समुदायले सांस्कृतिक अभिभावक गुमाएको छ । यस दुखद् घडीमा दाइको आत्मालाई शान्ति मिलोस्, कुलपितृमा बास होस् भन्दै भावपूर्ण श्रदाञ्जली प्रकट गर्दछु ।’