सुर्खेतमा प्रहरीको कुटपिटबाट कालीकोटका कृष्ण हमालको मृत्यु भएको भन्दै आफन्त आन्दोलित भएका छन् ।
हिजाे साँझ नेपालगञ्जबाट सुर्खेत आउँदै गर्दा वीरेन्द्रनगरमा रहेको सुब्बाकुना प्रहरी चेकपोष्टमा मादक पदार्थ सेवन गरेको भन्दै हमाललाई प्रहरीले कुटपिट गरेको थियो ।
प्रहरीको कुटपिटका कारण हमालको मृत्यु भएको आफन्तले आरोप लगाएका छन् ।
प्रहरीको कुटपिटका कारण मृत्यु भएको भन्दै आफन्तले आज दिउँसो वीरेन्द्रनगर बजारमा आन्दोलन गरेका हुन् ।
आक्रोशित भीडले आन्दोलन चर्काएपछि सुर्खेत अस्पतालले विज्ञप्तिमार्फत अस्पताल ल्याउनु पूर्व नै युवकको मृत्यु भएको जनाएको छ ।
अस्पताल प्रशासनले जारी गरेको विज्ञप्तिमा हिजाे शनिबार बिहान १०ः१५ मा दुई जना व्यक्तिले बेहोस् भएको भनेर ल्याएको र चेकजाँच गर्दा मृत्यु भइसकेको उल्लेख गरेको छ ।
