गत वैशाख ३० गतेको स्थानीय तहको निर्वाचनमा भक्तपुरस्थित मध्यपुर ठिमी नगरपालिकाको मेयर पदमा उम्मेदवारी दिएका स्वतन्त्र अभियान्ता जीवनपति श्रेष्ठ राष्ट्रिय जनमुक्ति पार्टीमा प्रवेश गरेका छन् ।
नेवा देय दबु भक्तपुरका सचिव समेत रहेका उनी आज जनमुक्ति पार्टीमा प्रवेश गरेको उपाध्यक्ष बलदीप प्रभाश्वर चाम्लिङले जनाएका छन् ।
श्रेष्ठलाई उपाध्यक्ष चाम्लिङसहितका नेताहरुले खादा ओढाएर पार्टीमा स्वागत गरेका हुन् ।
