नेकपा मसालका महामन्त्री मोहनविक्रम सिंहले एमालेले नेपालमा राजतन्त्र र हिन्दुराज्य ल्याउने बाटाेमा हिडेकाे बताएका छन् ।
एमाले, राजावादी र भारतीय हिन्दुवादीहरु एकजुट भएर नेपालमा राजतन्त्र र हिन्दुराज्य ल्याउन खाेजेकाे भन्दै उनले आगामी मंसिर ४ गतेकाे निर्वाचनमा एमालेलाई हराउनुपर्ने पनि बताए ।
‘हिन्दू राज्यको बाटोमा एमाले हिडेको र हिन्दू राष्ट्रका लागि हिन्दू राजा चाहिन्छ भनेर राजा फर्काउने बाटोमा एमाले छ,’ उनले भने, ‘त्यसैले परिवर्तन जोगाउन हामीले एमालेलाई हराउनुपर्छ ।’
प्रगतिशील पत्रकार संघ अर्घाखाँचीले सन्धिखर्कमा गरेको पत्रकार भेटघाटमा महामन्त्री सिंहले साे कुरा बताएका हुन् ।
