सुनसरी क्षेत्र नं १ मा बाम लोकतान्त्रिक गठबन्धनका उम्मेदवार मुक्सामहाङ मेन्याङ्बोले एमाले–जसपाका उम्मेदवार अशोक राईलाई ५६० मतले पछाडि पारेका छन् ।
निर्वाचन आयोगका अनुसार धरान उपमहानगरपालिकाको वडा नं १ देखि ५ सम्मको कूल १०४०७ मत गणना हुँदा मेन्याङ्बोले २४६३ मत ल्याएका छन् भने राईले १९०३ मत ल्याएका छन् ।
मेन्याङ्बोको चुनाव चिन्ह हसिया हथौडा हो भने राईको चिन्ह छाता हो । मत परिणाम अनुसार छाताले हसिया हथौडालाई पछ्याइरहेको छ भने हसिया हथौडाले मतान्तर बढाउँदै गएको छ ।
यता राष्ट्रिय स्वतन्त्र पार्टीकी गोमा तामाङले १८४८ मत ल्याएकी छन् भने राष्ट्रि«य प्रजातन्त्र पार्टीका अशोककुमार राईले ११८४ मत ल्याएका छन् ।
नेकपा एमालेबाट विद्रोह गरी स्वतन्त्र उम्मेदवार बनेका मनोजकुमार मेन्याङ्बोले खरायो चिन्हबाट १३०१ मत ल्याएका छन् ।
सुनसरी क्षेत्र नं १ मा धरान उपमहानगरका २०, बराहक्षेत्र नगरका ५ र रामधुनी नगरका २ गरी कूल २७ वटा वडा छन् ।
हाल धरानको वडा नं १ देखि ५ सम्मको मात्रै परिणाम आएको हो ।
