काठमाडौं । माओवादी केन्द्रका अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा सहभागिताबारे निर्णय लिन जनता समाजवादी पार्टी (जसपा) को राजनीतिक समितिको बैठक आज (सोमबार) देखि ललितपुरमा सुरु भएको छ ।
दुई दिनसम्म चल्ने बैठकले पार्टी सरकारमा जाने वा नजाने र सरकारमा जाँदा कसकसलाई पठाउने भन्ने निर्णय गर्नेछ ।
ललितपुरको बालकुमारीस्थित ज्यापू प्रज्ञा भवनमा सुरु भएको बैठकले निर्वाचनको समीक्षाका साथै पार्टीको विधान अधिवेशन र कार्यदिशा लगायत महत्वपूर्ण विषयमा निर्णय गर्नेछ ।