इलाम । काेसी प्रदेश नामकरणकाे विराेधमा इलामका स्थानीय पालिकाका केही वडा कार्यालयमा तालाबन्दी गरिएकाे छ ।
लिम्बुवान किरात संयुक्त सङ्घर्ष समितिले पहिचान झल्कने नाम राख्नुपर्ने माग गर्दै इलामको माङसेबुङ गाउँपालिका र माई नगरपालिकाका वडा कार्यालयमा तालाबन्दी गरेको हो ।
उनीहरुले माङसेबुङ गाउँपालिकाका वडा नम्बर ३ र ५ को वडा कार्यालयमा तालाबन्दी गरेका हुन् ।
साे क्रममा ‘माङसेबुङ नागरिक समूह’ को नाममा नारा जुलुससहित प्रदर्शन समेत गरिएकाे छ ।
उनीहरुले माई नगरपालिका–८ कल्कत्ते वडा कार्यालयमा तालाबन्दी गरेका छन् ।