काठमाडौँ । नेपाल समाजवादी पार्टीका अध्यक्ष तथा पूर्वप्रधानमन्त्री डा. बाबुराम भट्टराईले नेपालमा प्रदेश नामकरणबारे भ्रम र आग्रह–पूर्वाग्रह रहेको स्थितिमा ५० राज्य रहेको अमेरिकामा बहुसङ्ख्यक राज्यहरुको नाम आदिवासीहरुको पहिचानमा राखिएको थियो भन्ने बुझ्नु उपयुक्त हुने बताएका छन् ।
अध्यक्ष भट्टराईले शनिबार ‘अमेरिकाको हरेक राज्यले कसरी नाम राख्यो’ भन्ने छोटो जानकारीको लिंक ट्वीटरमा सेयर गर्दै यो कुरा बताएका हुन् ।
नेपालमा अहिले अन्तिममा नाम राख्न बाँकी रहेको प्रदेश १ को नाम पनि स्थानीयको माग र आन्दोलनविपरित पञ्चायतकाल नाम झल्किने गरी कोशी प्रदेश राखेपछि आन्दोलन भइरहेको छ ।
आज कोशी प्रदेश नाम खारेज गरी पहिचानका आधारमा नाम राख्न माग गर्दै विराटनगरमा नजप्रदर्शन गरिँदै छ ।
नेपालमा प्रदेशहरूको नामाकरणवारे राजनीतिक दल,नेतागण,मिडिया र नागरिक अगुवा वीचमा समेत भ्रम र आग्रह-पूर्वाग्रह रहेको स्थितिमा अमेरिका जस्तो विकसित देशले कसरी सय बर्ष अघिदेखि बहुसंख्यक प्रदेशको नाम आदिवासीहरूको पहिचानमा राखेको थियो भन्ने बुझ्नु उपयोगी हुनेछ! https://t.co/iiTm395Zbv
— Baburam Bhattarai (@brb1954) March 18, 2023
