जनता समाजवादी पार्टी नेपालका केन्द्रीय सदस्य दलमर्दन कामीले पार्टीबाट अलग भएर नयाँ पार्टी ‘संयुक्त नागरिक पार्टी’ निर्माण गरेका छन् ।
केही दिनयता ‘उत्पीडितहरुको नेतृत्वमा पार्टी निर्माण अभियान’ सुरु गरेका उनले हाल आफ्नै नेतृत्वमा १९ पदाधिकारीसहित २५ सदस्यीय ‘संयुक्त नागरिक पार्टी’को तदर्थ समिति घोषणा गरेका हुन् ।
पदाधिकारीहरुमा वरिष्ठ उपाध्यक्षदेखि वरिष्ठ नेतासम्म छन् ।
वरिष्ठ नेता जसपाकै पूर्वनेतृ कमला हेमचुरीलाई बनाइएको छ । महासचिव विदुर अधिकारीलाई बनाइएको छ ।
यस पार्टीको प्रथम राष्ट्रिय भेला आगामी फागुन ५, ६ र ७ गते गरिने छ ।
अध्यक्ष कामीले जातीय, धार्मिक, सांस्कृतिक, भौगोलिक लगायत विभेद र बहिष्करणबाट मुक्त गरी सार्वभौम राष्ट्रिय राज्य निर्माणका लागि आफ्नाे पार्टीमा एकताबद्ध हुन अनुराेध गरेका छन् ।
पार्टीको झन्डा, लोगो, दस्तावेज तथा घोषणापत्र, विधान आदि केही पनि डकुमेन्ट निर्माण गरिएकाे छैन ।
Thank you!