Tuesday, September 26, 2023

‘संविधानले पहिचान र आत्मनिर्णयको अधिकार सुनिश्चित गरेको छ’

नेकपा माओवादी केन्द्रका अध्यक्ष पुष्पकमल दाहाल प्रचण्डले वर्तमान संविधानले पहिचान र आत्मनिर्णयको अधिकार सुनिश्चित गरेको बताएका छन् ।

अध्यक्ष प्रचण्डले आज मुस्लिम समुदायको महान् चाड ‘इद उल फित्र’को अवसरमा शुभकामना दिँदै संविधानले पहिचान र आत्मनिर्णयको अधिकार सुनिश्चित गरेको बताएका हुन् ।

नेपालका उत्पीडित आदिवासी जनजातिहरुले पहिचानसहितको संघीयता, आत्मनिर्णयको अधिकारसहितको स्वायत्त प्रदेशलगायत माग राख्दै आएको बेला अध्यक्ष प्रचण्डले संविधानले पहिचानको मुद्दा सम्बोधन गरेको बताएका हुन् ।

उनले हाल नेपाली जनताको बलिदानीपूर्ण संघर्षबाट प्राप्त हक र अधिकारमाथि प्रतिक्रियावादीहरुले प्रहार गरिरहेको समेत बताएका छन् ।

‘संघीय लोकतान्त्रिक गणतन्त्र नेपालको वर्तमान संविधानले नेपाली बहुसंस्कृतिको सम्मान गर्दै पहिचान र आत्मनिर्णयको अधिकार सुनिश्चित गरेको छ,’ उनले भनेका छन्, ‘अहिले नेपाली जनताको बलिदानीपूर्ण संघर्षबाट प्राप्त हक र अधिकारमाथि प्रतिक्रियावादीहरुबाट प्रहार भइरहेको छ । परिवर्तनविरोधी प्रतिगामी शक्तिका विरुद्ध एकताबद्ध र सचेत संघर्षमा उत्रिन आव्हान गर्दै विश्वभर फैलिएको कोरोना महामारीबाट बच्न स्वास्थ्य सुरक्षाका सबै मापदण्ड अपनाइ सुरक्षित रहन सबैमा आग्रह पनि गर्दछु ।’

कृपया, साल्पा अनलाइनको फेसबुक पेज र युट्युब च्यानल सर्च गरेर लाइक तथा सब्स्क्राइब गर्नुहोस् ।

Please enter your comment!
Please enter your name here

सम्बन्धित समाचार

याे पनि पढ्नुस्