वैद्यलाई आफ्नाे अभिव्यक्ति फिर्ता लिएर आत्माआलोचना गर्न कांग्रेसको निर्देशन

नेपाली कांग्रेसले बागमती प्रदेशसभा सदस्य नराेत्तम वैद्यलाई आफ्नाे अभिव्यक्तिप्रति आत्माआलाेचना गर्न निर्देशन दिएकाे छ ।

कांग्रेस प्रवक्ता विश्वप्रकाश शर्माले शनिबार एक विज्ञप्ति जारी गर्दै आफ्नाे अभिव्यक्ति फिर्ता लिन र आत्माआलोचना गर्न निर्देशन दिइएको जनाएका छन् ।

शुक्रबार बागमती प्रदेशसभा बैठकमा कांग्रेस सांसद वैद्यले आफू प्रधानमन्त्री केपी शर्मा ओलीविरूद्ध नाथुराम गोडसे बन्न तयार रहेको बताएका थिए ।

वैद्यले प्रधानमन्त्री ओलीले सत्ता जोगाउन जस्तोसुकै सम्झौता गरेको आरोप लगाउँदै भनेका थिए, ‘खड्गप्रसाद ओलीलाई नरोक्ने हो भने उनले यो देश खाइदिन्छ । त्यसैले मेरो आग्रह छ, अब कोही नाथुराम गोड्से बन्न तयार हुनुपर्‍यो मुलुक बचाउनलाई, कोही नाथुराम बन्न तयार छैन भने म बन्छु ।’

शनिबार नेकपा एमालेका प्रवक्ता प्रदीप ज्ञवालीले एक प्रेस विज्ञप्ति जारी गरी वैद्यकाे अभिव्यक्ति आपराधिक, अत्यन्त आपत्तिजनक र निन्दनीय रहेको बताएका छन् ।

‘बागमती प्रदेशसभा सदस्य नरोत्तम वैद्यले प्रदेशसभामा दिएको अभिव्यक्तिप्रति ध्यानाकर्षण लगत्तै विवादास्पद अभिव्यक्ति फिर्ता लिन र आत्मालोचना गर्न निर्देशन दिइएको छ । प्रदेश संसदीय दलको नेतृत्व मार्फत शुक्रबार बेलुकी पार्टीले गरेको निर्देशनलाई पालना गरेर अभिव्यक्तिमा संयम र सजगता राख्न उहाँलाई सचेत समेत गराइएको छ,’ कांग्रेस प्रवक्ता शर्माद्वारा जारी वक्तव्यमा भनिएकाे छ, ‘नेपाली कांग्रेस प्रष्ट छ, अभिव्यक्ति स्वतन्त्रता र अभिव्यक्तिमा अराजकता एउटै होइन। आलोचना लोकतान्त्रिक हक हो तर त्यसको प्रयोग गरिँदा पार्टीको नीति र संस्कृतिलाई कुनै पनि तहको नेतृत्व र सदस्यले किमार्थ बिर्सन मिल्दैन। शान्तिपूर्ण राजनीतिको सालिनता भनेको सडकमा समेत संयमको अभिव्यक्ति जरुरी हुन्छ भने संसदमा संसदीय मर्यादाको पालना झनै अनिवार्य हुन्छ।’

कृपया साल्पा अनलाइनको फेसबुक पेज र युट्युब च्यानल सर्च गरी लाइक तथा सब्स्क्राइब गर्नुहोस् ।

Please enter your comment!
Please enter your name here

सम्बन्धित समाचार
spot_img

याे पनि पढ्नुस्