तीनबुँदेमा सरकार इमान्दार नभए आँधीबेहरी आउन सक्छः माइला लामा

नेपाल कम्युनिस्ट पार्टीका केन्द्रीय सदस्य माइला लामाले सरकार आफ्नो पार्टीसँग भएको तीनबुँदे सहमतिप्रति इमान्दार नभएको बताएका छन् ।

उनले सरकारले सहमति कार्यान्वयन नगरेका कारण आफ्नो पार्टीका नेता कार्यकर्ता जेलमै रहेको बताए ।

“सरकार इमान्दार भएन भने नेपालका राजनीतिक जनताका समस्या समाधानतिर अग्रसर भएन भने आँधिबेहरी आउन सक्छ”, उनले भने, “वर्तमान व्यवस्थाप्रति जनता सन्तुष्ट छैनन्, सरकार र राजनीतिक पार्टी जनताप्रति जिम्मेवार बन्नुपर्छ ।”

गत बुधबार नेकपानिकट अखिल क्रान्तिकारीले आयोजना गरेको स्वागत तथा सम्मान कार्यक्रममा लामाले आफ्नो पार्टीले अहिले देखिएका समस्याको हल गर्ने अधिकार जनतालाई दिन आफ्नो पार्टीले प्रतिशिल सरकार, जनतमत संग्रह र वैज्ञानिक समाजवाद अगाडि सारेको बताए ।

नेकपाको काठमाडौँ जिल्ला इन्चार्ज समेत रहेका मालाले फरक विचारकै कारण आफूलाई गिरफ्तार गरेर झुटा मुद्दामा २२ महिना हिरासत र जेलमा राखेको बताए ।

उनले जेल जीवनलाई सिर्जनात्मक कार्यमा लगाउँदा समय अपुग हुने गरेको अनुभूती सुनाए । लामाले बम, बारुदलाई जितेर आएकाहरुको पार्टी भएकोले जनताको लागि बलिदान गर्न तयार भएको बताए ।

कार्यक्रममा नेकपाका केन्द्रीय सदस्य तथा अखिल क्रान्तिकारीका पूर्वअध्यक्ष शरद रसाइलीले अनलाइन शिक्षाका नाममा शैक्षिक संस्थाहरुले बदमासी गरेको बताए । उनले अनलाइ शिक्षाका नाममा अभिभावकलाई खेतबरी बेच्न बाध्य हुने अवस्था सिर्जना गरेको बताए ।

त्रिभुवन विश्वविद्यालयले उच्च शिक्षालाई जनताका छोराछोरीको पहुँचभन्दा टाढा पुर्याएको बताउँदै रसाइलीले त्यसविरुद्ध विद्यार्थीहरुले आन्दोलन गर्नुपर्ने बताए ।

विद्यार्थी आन्दोलनको केन्द्र काठमाडौँ भएकोले बताउँदै रसाइलीले शैक्षिक माफियाविरुद्ध अब फेरि आन्दोलन उत्रिनु पर्ने बताए ।

कार्यक्रममा अखिल क्रान्तिकारीका महासचिव प्रकाश शाहीले पनि सम्बोधन गरेका थिए ।

कृपया साल्पा अनलाइनको फेसबुक पेज र युट्युब च्यानल सर्च गरी लाइक तथा सब्स्क्राइब गर्नुहोस् ।

Please enter your comment!
Please enter your name here

सम्बन्धित समाचार
spot_img
spot_img

याे पनि पढ्नुस्