जनता समाजवादी पार्टीलाई मधेसी पार्टी भन्नेहरुलाई डा. बाबुराम भट्टराईले कडा प्रश्न गरेका छन् ।
जसपाका संघीय परिषद् अध्यक्ष समेत रहेका उनले खस–आर्यहरुको बाहुल्यता भएको कांग्रेस, एमाले र माओवादी चाहिँ पहाडे पार्टी नहुने तर मधेसीहरुको संख्या अलिक बढी भएको जसपा भने मधेसी पार्टी हुने ? भनी प्रश्न गरेका छन् ।
नेता भट्टराईले हिजो एक ट्वीट गर्दै जसपालाई मधेसी वा क्षेत्री पार्टी भन्नेहरुलाई प्रश्न गरेका हुन् ।
‘खस आर्य समुदायको अत्यधिक बाहुल्य रहेको कांग्रेस, एमाले, माओवादी चाहिँ पहाडे पार्टी नहुने तर मधेसी समुदायको संख्या अलि बढी भएको जसपा भने मधेसी वा क्षेत्री पार्टी हुने ! यो कस्तो मानसिकता हो ?’ उनले लेखेका छन्, ‘यस्तो तालले बहुल जातीय/क्षेत्रीय पहिचान भएको देशमा सच्च राष्ट्रिय एकता कसरी कायम होला ?’
