नेकपा माओवादी केन्द्रका नेता हरिबोल गजुरेलले ‘मन्त्री पद नपाए आत्महत्या गर्छु’ भनी पार्टी नेतृत्वलाई दिएको धम्कीबारे लेखक खगेन्द्र संग्रौलाले गजुरेललाई कडा प्रहार गरेका छन् ।
माओवादी केन्द्रले अब गजुरेलको वचनको परीक्षण गर्नुपर्ने संग्रौलाले बताएका छन् ।
‘हक्की हरिबोल गजुरेलले बैठकमै भने रे, ‘मन्त्री पद नपाए म आत्महत्या गर्छु ।’ तै तै माकेले हरिबोलका वचनको परीक्षण गर्नु राम्रो हो,’ ट्वीटरमा संग्रौलाले भनेका छन्, ‘यिनले वचन पुरा गरे कम्निष्टको त्यागको इतिहासमा एउटा अनुपम कीर्तिमान थपिनेछ, वचन पुरा नगरे यिनको लुब्ध घुर्कीले हावा खानेछ र यी देवघाट चलान हुनेछन् ।’
कांग्रेस सभापति शेरबहादुर देउवा नेतृत्वको गठबन्धन सरकारमा सहभागी हुनका लागि माओवादी केन्द्रले मन्त्रीहरुको नाम छान्न सकेको छैन ।
माओवादीका ४९ जनै सांसदहरुले आफूलाई मन्त्री बनाउनैपर्ने भन्दै आफूलाई अप्ठेरोमा पारेको अध्यक्ष पुष्पकमल दाहालले केहीदिनअघि बताएका थिए ।
हक्की हरिबाेल गजुरेलले बैठकमै भने रे,"मन्त्री पद नपाए म आत्महत्या गर्छु।" तै तै माकेले हरिबाेलका वचनकाे परीक्षण गर्नु राम्राे हाे।यिनले वचन पूरा गरे कम्निस्टकाे त्यागकाे इतिहासमा एउटा अनुपम कीर्तिमान थपिनेछ,वचन पूरा नगरे यिनकाे लुब्ध घुर्कीले हावा खानेछ,र यी देवघाट चलान हुनेछन्।
— Khagendra Sangroula (@belakoboli) August 3, 2021