Friday, December 9, 2022
15.9 C
Diktel

जसपा नेता तथा क्रान्तियोद्धा प्रेमकृष्ण पाठककाे निधन

जनता समाजवादी पार्टी (जसपा) का नेता तथा क्रान्तियोद्धा प्रेमकृष्ण पाठकको आज बिहान काठमाडौंको ह्याम्स अस्पतालमा उपचारको क्रममा मृत्यु भएको छ ।

जसपाका वरिष्ठ नेता अशोक राईले नेता पाठकको उपचारको क्रममा ह्याम्स अस्पतालमा बिहान ७ बजे निधन भएको जानकारी गराएका छन् ।

श्रमजीवी वर्ग र उत्पीडित समुदायको पक्षमा जीवनभर संघर्ष गरेका दिवंगत नेता पाठकको निधनमा दुःख व्यक्त गर्दै नेता राईले उनको आजै पशुपतिको विद्युत शवदाह गृहमा ३ बजे श्रदाञ्जलीसहित अन्तिम संस्कार गरिने जनाएका छन् ।

२०६९ सालमा नेकपा एमालेबाट विद्रोह गरेका नेता अशोक राईको नेतृत्वमा संघीय समाजवादी पार्टी नेपाल गठन हुँदा उक्त पार्टीमा केन्द्रीय उपाध्यक्षमा रहेर पाठकले साथ दिएका थिए ।

उनी २००७ सालदेखि नै क्रान्ति, लोकतन्त्र, अधिकार र परिवर्तनका लागि राजनीतिमा लागेका थिए ।

त्यसबेला नेपाली कांग्रेसबाट राजनीति सुरु गरेका उनी २०४६ सालमा प्रजातन्त्रको पुनःस्थापनापछि नेपाली कांग्रेस र नेकपा एमालेमा संगठित भएर सक्रिय रहेका थिए ।

२०६९ सालदेखि उनी समाजवादी पार्टीमा लागेका थिए ।

प्रतिक्रिया लेख्नुहाेस्

Please enter your comment!
Please enter your name here

सम्बन्धित समाचार

याे पनि पढ्नुस्