Tuesday, October 3, 2023

एमसीसी पास गर्न खुट्टा उचाल्ने पनि माओवादी, विरोधको आगो ओकल्ने पनि माओवादी

एमसीसीबारे सत्तारुढ दल माओवादी केन्द्रले देखाएको दोहोरो चरित्रबारे लेखक खगेन्द्र संग्रौलाले सार्वजनिक रुपमा टिप्पणी गरेका छन् ।

उनले अहिलेको पाँच दलीय सत्ता गठबन्धनभित्र आपसमा भरोसा र विश्वास टुटिसकेकाे पनि बताएका छन् ।

संग्रौलाले सामाजिक सञ्जालबाट गठबन्धनभित्रका माओवादी केन्द्रको दोहोरो चरित्रको विरोध गरेका हुन् ।

ट्वीटरमा उनले लेखेका छन्, ‘भत्तासहितका सत्तामा उही छ, सडकमा ओर्लेर कुर्लिने उही छ, एमसीसी पास गर्न खुट्टा उचाल्ने उही छ, विरोधको आगो ओकल्ने उही छ ।’

माओवादी केन्द्रका अध्यक्ष पुष्पकमल दाहाल र प्रधानमन्त्री शेरबहादुर देउवाले एमसीसी संसदबाट पास गर्ने प्रतिवद्धतासहितको पत्र अमेरिकालाई पठाएको खुलासा भएपछि माओवादीको आलोचना सुरु भएको थियो ।

किनभने अध्यक्ष दाहालले सार्वजनिक कार्यक्रममा एमसीसी राष्ट्रघाती रहेको भन्दै स्वीकार नगर्ने भाषण गर्दै आएका थिए । कांग्रेसकाे भने नेपालमा एमसीसी लागू गर्ने पहिलेदेखिकै नीति थियाे ।

पछिल्ला दिनमा पनि दाहालले प्रधानमन्त्री देउवासँग मिलेर कहिले एमसीसी पास गर्न संसदमा पेस गर्ने सहमति जनाउने कहिले त्यसैको विरोध जनाएर राेक्न खाेज्ने दोहोरो भूमिका देखाइरहेका छन् ।

प्रधानमन्त्री देउवाले कुनै पनि हालतमा एमसीसी संसदबाट पास गर्ने नीति लिएको बेला माओवादी केन्द्रले भने एकातिर सरकारमै बसिरहने अर्कोतिर सडकमा पनि एमसीसीको विरोधमा उत्रिने दोहोरो नीति अपनाइरहेको छ ।

बुधबार काठमाडौंको नयाँ बानेश्वरमा आयोजना गरिएको एमसीसीविरोधी प्रदर्शनमा माओवादीका नेता नारायणकाजी श्रेष्ठ उत्रिएका थिए ।

कृपया, साल्पा अनलाइनको फेसबुक पेज र युट्युब च्यानल सर्च गरेर लाइक तथा सब्स्क्राइब गर्नुहोस् ।

Please enter your comment!
Please enter your name here

सम्बन्धित समाचार

याे पनि पढ्नुस्