जनता समाजवादी पार्टीको केन्द्रीय समितिको बैठक आगामी फागुन २९ र ३० गते काठमाडौंको कालिकास्थानको अमृतभोग पार्टी प्यालेसमा हुने भएको छ ।
बिहान ११ बजेदेखि सुरु हुने बैठकमा स्थानीय तहको निर्वाचन, पार्टीको विधान अधिवेशन लगायत एजेन्डामा छलफल हुनेछ ।
केन्द्रीय समितिको बैठकअघि फागुन २८ गते संघीय परिषद्को बैठक बस्नेछ ।
संघीय परिषद्को बैठक नयाँबानेश्वरकाे थापागाउँस्थित बानेश्वर व्याङ्क्वेटमा बिहान ११ बजेदेखि सुरु हुनेछ ।
जसपाले आगामी असार १ र २ गते विधान अधिवेशन गर्ने निर्णय गरेकाे छ । जसपाको केन्द्रीय कार्यकारिणी समितिले विधान अधिवेशनकाे मिति तोकेको हो ।
