जनता समाजवादी पार्टी नेपालका केन्द्रीय सदस्य तथा संघीय सांसद प्रमोद साहमाथि सर्लाहीमा सांघातिक आक्रमण भएको छ ।
सांसद साहमाथि आज बिहान पार्टी कामको सिलसिलामा सर्लाहीको ईश्वरपुरमा नेकपा एमालेका कार्यकर्तासहितको समूहले सांघातिक आक्रमण गरेको बताइएकाे छ ।
जसपा केन्द्रीय सदस्य पूर्ण बस्नेतका अनुसार सांसद साह गम्भीर घाइते भएका छन् । उनलाई उपचारका लागि हेलिकोप्टरबाट काठमाडौं लगिँदैछ ।
साे घटनामा जसपाका अन्य नेता तथा कार्यकर्ताहरु पनि घाइते भएका छन् ।
