जनता समाजवादी पार्टीका केन्द्रीय कार्यकारिणी सदस्य डम्बर खतिवडाले अब सबै दलहरुले भावी प्रधानमन्त्री र मुख्यमन्त्री घोषणा गरेरै निर्वाचनमा जानुपर्ने बताएका छन् ।
मान्छेले अब केवल आफ्नाे क्षेत्रको नेता वा आफ्नाे पार्टीकाे नेता भनेरमात्रै भोट नदिने उनको भनाइ छ ।
अब हुने प्रतिनिधिसभा र प्रदेशसभाको निर्वाचनमा दलहरुले भावी प्रधानमन्त्री र मुख्यमन्त्री घोषणा गर्न जरुरी भएकाे उनले बताए ।
बिहीबार फेसबुकमा उनले भने, ‘अब मान्छेले केवल आफ्नाे क्षेत्रको सांसद उम्मेदवार र पार्टी हेरेर भोट दिँदैनन् । आफ्नाे भोटले भोली को प्रधानमन्त्री र मुख्यमन्त्री हुन्छ ? कस्तो शासन गर्छ ? चुनाव अगाडि नै जान्न चाहन्छन् । सबै दलहरुले भावी प्रधानमन्त्री घोषणा गर्न नितान्त जरुरी छ ।’
उनले नेपाली कांग्रेसकै कार्यकर्ताहरु पनि फेरि शेरबहादुर देउवा नै प्रधानमन्त्री हुने हुन् के भोट दिनु ? भन्दै निराशाको स्थितिमा रहेको बताए ।
अबकाे राजनीति त्यति सजिलो नरहेकाे भन्दै उनले लेखे, ‘अनौपचारिक कुराकानीमा कांग्रेसजन नै भन्छन्– फेरि देउवा प्रधानमन्त्री हुने हुन्, र्याल चुहाउँदै बस्ने हुन्, के भोट दिनु ? एमाले नै भन्छन्– फेरि पाँच वर्ष ओलीका बकबास सुन्नुपर्छ, के भोट दिनु ?’
