छोरी हुँ म किरातीको
लाउँछु शिरफूल शिरमा
इज्जत राख्छु किरातीकै
दिन्नँ मैले गिर्न ।
चिनाउने छु देशको नाम
फिजाउने छु राम्रा कुरा
बचाइ राख्न लागी पर्छु
संस्कृति र संस्कार ।
छोरी हुँ म किरातीको
भाषा बोल्छु आफ्नै
शिर उठाउँछु पुर्खाहरुको
सबको गर्छु भलाइ ।
पूजा गर्छु पितृहरुको
रक्षा संस्कृतिको
चिनाउने छु किरात धर्म
फिजाउने छु संकार ।
छोरी हुँ म किरातीको
लाउँछु ढुङ्ग्रीमुन्द्री
सिकाउँछु रीतिरिवाज
फिजाउँछु किरातीकै ध्वनि ।
छोरी हुँ म किरातीको
हिमायती किरातकै
लेख्छु गीत इतिहासको
किरातहरुकै योगदानको ।
गाउँछु गीत इतिहासको
पुर्खाहरुकै योगदानको ।
–ममता खालिङ राई
