–सरस्वती गुरुङ
फेसबुकमा फोटो हालिन् भनी मन नदुखाउनु है आमा
परदेशमा छु सम्झिराछु आँशु नसुकाउनु है आमा ।
बरु दुई चार डलर पठाइदिउँला घरखर्च टार्नलाई
फोनमा कुरा गर्दा दुःख पीडा नलुकाउनु है आमा ।
यसपालि आइनँ, अर्को साल औशीमा आउँछु पक्कै
सम्झिएर दिनभर दोबाटोमा आँखा नकुराउनु है आमा ।
बाबा हुनुहुन्छ भाइ अनि दाजु भाउजू छन् साथमा
हास्नु पर्छ टाढा भए नि भनी मन बुझाउनु है आमा ।
एक दिन भेट हुनेछ, सारा खुशी लिएर आउनेछु
प्रतीक्षा गर्नुस् त्यो दिन मनको दुःख नखुलाउनु है आमा ।
-कटारी, उदयपुर
हाल, युरोप ।
