द भ्वाइस अफ नेपालका कोच दिप श्रेष्ठलाई कोरोना संक्रमण भएको छ । स्वास्थ्यमा समस्या देखिएपछि उनको कोभिड परीक्षण गरिएको थियो ।
द भ्वाइस अफ नेपालकाे फेसबुक पेजमा उनलाई कोरोना संक्रमण भएको जनाइएको छ ।
वरिष्ठ गायक समेत रहेका श्रेष्ठलाई हाल काठमाडाैंकाे मन्डिखाटारस्थित ह्याम्स अस्पतालमा उपचार गरिदैछ ।
उनको अवस्था अवस्था सामान्य रहेको बुझिएको छ ।
नेपालमा कोरोनाकाे दोस्रो भेरियन्टले गाँजेसँगै द भ्वाइस अफ नेपाल दुई साताअघि नै रोकिएको थियाे । उक्ता शोका केही प्रतिस्पर्धी र कोचहरुलाई कोरोना संक्रमण भएको थियो ।
यसअघि कोच प्रमोद खरेललाई पनि कोरोना संक्रमण भएको थियो ।
दर्शकले मन पराएको उक्त शो हिमालय टेलिभिजनबाट हरेक शुक्रबार र शनिबार बेलुकी ८ बजे प्रशारण हुँदै आएको छ ।