लोकप्रिय हाँस्य कलाकार दीपकराज गिरिले ईश्वरले नै दीपाश्री निरौलालाई आफ्नाे साथी बनाएर पठाएको बताएका छन् ।
कलाकार निरौलाको जन्मदिनको अवसरमा शुभकामना दिँदै गिरिले भने, ‘मैले ईश्वरसँग धेरै गुनासो गरेको थिए, सफलता मागेको थिए । तर ईश्वरले आशीर्वादको रुपमा उनीलाई मेरो साथी बनाएर पठाएका पत्तै भएन ।’
निरौलाको जन्मदिनको अवसरमा आज गिरिले फेसबुकमा संयुक्त तस्बिर राख्दै यो कुरा उल्लेख गरेका हुन् ।
उनले ३० वर्षअघि आफू चप्पल र झुत्रे लुगा लगाएर नाटक खेल्न रेडियो नेपाल धाउदा निरौलालाई भेटेको बताएका छन् ।
हाँस्य कलाकारितामा दिपक र दीपाश्रीको जोडी लोकप्रिय बनेको छ ।
उनीहरुले ‘राम बिलास धनिया’ र ‘तितो सत्य’ मा लामो समय सँगै काम गर्नुका साथै विभिन्न चलचित्रहरुमा काम गरेका छन् ।
कला क्षेत्रमा दुईजना बिचको सम्बन्धलाई लिएर गसिप तथा अनेक खालका टिप्पणी पनि हुने गरेको छ ।
गिरि विवाहित हुन् भने निरौलाले अहिलेसम्म पनि विवाह गरेकी छैनन् ।
गिरिले निरौलाको तारिफ गर्दै भनेका छन्, ‘जसले जे भनोस् उनी संसारकै सबैभन्दा जाती छिन्, मेरो एउटा साथी छिन्, जो सबैभन्दा माथि छिन् ।’