गीत गाइरहेका बेला स्टेजमै उक्लिएर वरिष्ठ गायक राजेश पायल राईमाथि दुर्व्यवहार तथा आक्रमण गर्ने व्यक्तिले अन्ततः किराती संस्कार अनुसार रक्सी राखेर गायक राईसँग माफी मागेका छन् ।
न्यू इयर इभ २०२२ को अवसरमा अमेरिकाको न्यूयोर्कमा सांगीतिक कार्यक्रममा गीत गाइरहेका बेला अमेरिकामै बस्ने पासाङ दावा शेर्पाले गायक राईलाई पछाडिबाट हातले समातेर लडाउने प्रयास गरेका थिए ।
साेपछि केही बेर राईकाे प्रस्तुती राेकिएकाे थियाे ।
उक्त घटनाकाे भिडियाे सामाजिक संजालमा भाइरल भएकाे थियाे । र उक्त घटनाको चौतर्फी विरोध भएको थियो । उक्त हर्कत गर्ने व्यक्तिको खोजी गरी कडा कारवाही गर्न कार्यक्रमका आयोजक बुद्ध ट्याक्समाथि दबाब आएको थियो ।
अमेरिकामा रहेका पत्रकार शान्तिराज राईका अनुसार शेर्पाले गायक राईसँग रक्सी राखेर माफी मागेका छन् भने राईले पनि माफी दिएका छन् ।
किराती संस्कारमा आफ्नाे गल्ती भए भाेलिपल्ट समाजका सबै अगुवाहरु बसेर रक्सी राखेर ढोकीदिने गरिन्छ ।
शेर्पाले पनि सोही चलन अनुसार गायक राईलाई ढोकेका छन् । र, उनले अब गल्ती नगर्ने प्रतिवद्धता समेत जनाएका छन् ।