विश्व स्वास्थ्य संगठन (डब्लुएचओ) ले एक रिपोर्ट सार्वजनिक गरी धेरै घण्टा काम गर्ने मानिसहरुको मृत्यु हुने संख्या बढ्दै गइरहेको जनाएकाे छ ।
धेरै घण्टा काम गरेका कारण विश्वमा हजारौं मानिसहरुको निधन भइरहेको छ । कोभिड-१९ महामारीको कारणले मानिसहरुको मृत्यु अझ तीव्र गतिमा हुन सक्ने विश्व स्वास्थ्य संगठनले स्पष्ट पारेको छ ।
लामो अवधिसम्म काम गर्नाले सम्बन्धित व्यक्तिले आफ्नो जीवन गुमाएको एक अध्ययनले देखाएको छ ।
हप्तामा ५५ घण्टा तथा त्यो भन्दा बढी काम गर्नु स्वास्थ्यका लागि गम्भीर जोखिम भएको विश्व स्वास्थ्य संगठनकी पर्यावरण, मौसम परिवर्तन र स्वास्थ्य निर्देशक मारिया नीराले बताएकी छन् ।
यस सूचना मार्फत श्रमिकहरुको बढी मात्रामा संरक्षण गर्न चाहेको उनले स्पष्ट पारेकी छन् ।
डब्ल्यूएचओ र अन्तर्राष्ट्रिय श्रम संगठनद्वारा गरिएको संयुक्त अध्ययनले देखाएको तथ्याङ्कमा धेरैजसो पीडितहरुमा ८२ प्रतिशत देखिएको छ, जसमा मध्यम उमेरका बढी थिए ।
दक्षिण पूर्व एसिया र पश्चिमी प्रशान्त क्षेत्रमा बसोबास गर्ने मानिसरूलाई यो समस्या देखिएको छ । जसमा चीन, जापान र अष्ट्रेलिया बढी प्रभावित मुलुकमा परेका छन् ।
