अधिवक्ता दिपेन्द्र झाले उपेन्द्र यादव नेतृत्वको जनता समाजवादी पार्टी नेपाल परित्याग गरेका छन् ।
उनी अब दलीय आवद्धताबाट स्वतन्त्र रहेर कानुन व्यावसायीको रुपमा अघि बढ्ने छन् ।
झाले पार्टी विभाजनपछि पार्टीको सबै जिम्मेवारीबाट अलग भएको भन्दै अध्यक्ष उपेन्द्र यादवलाई जानकारी गराएका छन् ।
यादवले झालाई पहिलो मधेस सरकारको मुख्य न्यायधिवक्ता जिम्मेवारी दिलाएका थिए भने हाल उनी जसपा नेपालको निर्वाचन समितिको संयोजक थिए ।
झालाई मधेस सरकारको कानुन मस्यौदा समितिको संयोजकको पनि जिम्मेवारी दिइएको थियो ।
आफूलाई दिएको जिम्मेवारीप्रति झाले अध्यक्ष यादवलाई आभार प्रकट गरेका छन् ।
झा यादवका एक विश्वासपात्र थिए । झाले नेपालमा संघीयता स्थापना गर्ने संघर्षको नायक यादव रहेकोले त्यसका निम्ति आफ्नाे सधै सम्मान रहने पनि उल्लेख गरेका छन् ।
