जनता समाजवादी पार्टीका अध्यक्ष अशोक राईले काठमाडौँमा उपचाररत मुक्कुमलुङ आन्दोलनका घाइतेहरूलाई भेटेर स्वास्थ्यवस्थाको जानकारी लिएका छन् ।
नेता राईले हिजो काठमाडौँको महाराजगन्जस्थित शिक्षण अस्पताल पुगेर घाइतेहरूलाई भेटेका हुन् ।
उनको साथमा जसपा उपाध्यक्ष सुशीला श्रेष्ठ पनि अस्पताल पुगिन् ।
गत माघ १२ गते सशस्त्र प्रहरीले गोली चलाउँदा याम लिम्बू, सगुन लावती र धर्मान पालुङ्वा गम्भीर घाइते भएका थिए ।
हाल सोको विरोधमा तमोर करिडोर र मेची राजमार्गमा यातायात बन्द गरिएको छ ।
